ვალდორფის სკოლებში მუზიცირება/სიმღერა პირველივე კლასიდან ვარჯიშდება – იწყება ერთობლიობის განცდის მოვლა/გავარჯიშება კლასის ფარგლებში, რომელიც, შემდგომ, სკოლის ყველა საფეხურს, ასაკობრივად შესაფერად, მოიცავს. გუნდური სიმღერით გაჟღენთილია (განსაკუთრებით, საწყის კლასებში).

ყველა გაკვეთილი: საბუნებისმეტყველო თუ მეცნიერული, უცხო ენები თუ სპორტის გაკვეთილი... პირველ–მეორე კლასში სასიმღერო რეპერტუარი ერთხმიანია, ხოლო მომდევნო კლასებში ის თანდათანობით მრავალხმიანი ხდება (მესამე კლასიდან დაწყებული, მოსწავლეები მღერიან ორ–სამ–ოთხხმიან კანონებს; საშუალო კლასებიდან, ასაკის შესაბამისად, სასიმღერო რეპერტუარი რთულდება, მოსწავლეები მღერიან რთულ მრავალხმიანობასა და ეცნობიან ქართულ ხალხურ სიმღერებს).

​

ასეთი მუშაობის ერთ–ერთი მნიშვნელოვანი ამოცანა – სოციალურ აღზრდასთან ერთად – ვოკალური მუსიკის კულტურის აღზრდაა (ინსტრუმენტალური მუსიკის კულტურასთან ერთად). საშუალო კლასების მოსწავლეთათვის მნიშვნელოვანია, აგრეთვე, გუნდური სიმღერით სკოლის საერთო ცხოვრებაში აქტიური ჩართულობა (კლასის/სკოლის ღონისძიებები, ბაზრობები, სხვადასხვა სოციალურ დაწესებულებებში კონცერტის გამართვა...). VIII კლასისთვის მიზანშეწონილია კლასის გუნდის მოძლიერება და, მაგ. კლასის სპექტაკლის სიმღერით გაფორმება, ან საკუთარი ინიციატივებისა თუ კლასის სამუშაოების თანხლება–გაფორმება…

სკოლის მაღალი საფეხურის დაწყებასთან ერთად, გუნდის მუშაობის პრინციპებიც იცვლება. ის გადადის დიდ, უფრო მეტად გარეთ ორიენტირებულ საზოგადოებრივ მუშაობაზე. მაღალი კლასებში გუნდის მუშაობა უკვე ნებაყოფლობითი ხდება. ის სცდება ერთი კონკრეტულ კლასის ფარგლებს, გუნდის მუშაობაში მონაწილეობის უფლება აქვს მაღალი კლასების (მე–9 – მე-12 კლასები) ნებისმიერ მოსწავლეს. მისი უმთავრესი ამოცანაა სკოლის საერთო ცხოვრებაში აქტიური მონაწილეობის მიღება.