DSD დიპლომების გადაცემა

DSD დიპლომი გერმანიის უნივერსიტეტებში სწავლისათვის საჭირო გერმანული ენის ცოდნის დამადასტურებელი უვადო საბუთია.

 ვალდორფის სკოლას 2020 წლიდან აქვს მინიჭებული DSD (Deutsches Sprachdiplom) სკოლის სტატუსი, 2023 წელს კი DSD 2 - მეორე საფეხურის დიპლომის გაცემის უფლებაც მოვიპოვეთ.

სიხარულითა და სიამაყით გაცნობებთ, რომ დსდ 1-ის გამოცდაზე მიმდინარე სასწავლო წელს გავიდა 11 მოსწავლე.

9 მოსწავლემ წარმატებით ჩააბარა B1 საფეხურის გამოცდა, რომლის საფუძველზეც მათ სკოლის დამთავრების შემდეგ უფლება ექნებათ სწავლა განაგრძონ გერმანიის კოლეჯებში და მიიღონ ხარისხიანი პროფესიული განათლება.

წარმატებული მცდელობა, დამსახურებული შედეგი - ფრთების შემსხმელია. საუკეთესო შემაგულიანებელი ახალი აღმოჩენებისა და წარმატებების გზაზე.

 ამასთან - წარუმატებელი მცდელობაც გაბედულების, შინაგანი სიმტკიცის საწინდარია.

„თუ ახლა ვერა, შემდეგ მცდელობაზე - აუცილებლად!“ - ეს შემართებაც მნიშვნელოვანი ცხოვრებისეული

გამოცდილებაა.

წარმატებისა და საინტერესო შემეცნებითი თავგადასავლების მომტანი ყოფილიყოს ეს გამოცდილება ჩვენი საყვარელი ვალდორფელებისთვის