ლატვიელების სტუმრობა

ჩვენი სკოლა ხშირადაა ხოლმე "ნავსაყუდელი" სხვა ქვეყნებიდან აქ ჩამომდგარი "საგანმანათლებლო ხომალდებისთვის".

ვალდორფის სკოლები მთელ მსოფლიოშია მოფენილი 

გვეძებენ, გვპოულობენ და გვსტუმრობენ ვალდორფელები ამ უკიდეგანო, მშვენიერი ქვეყნიერების სხვადასხვა კუთხიდან.

19-20 ივნისს ლატვიელებს ვუმასპინძლეთ.

რიგის ვალდორფის სკოლის მერვე კლასელებს ჩვენ მეცხრეები შევაგებეთ. ერთმანეთი გავიცანით.

ლატვიური და ქართული სიმღერები ვიმღერეთ, ხელობის გაკვეთილებზე ერთობლივად ვიშრომეთ, ხელოვნების გაკვეთილზე - ვხატეთ და მეტი ფერადოვნება შევმატეთ სამყაროს.

მეგობრობა გზაა და ხიდი საინტერესო თავგადასავლებთან მისასვლელი.

კავშირი და ერთობის განცდა სამყაროს უკეთ შესაცნობად.

მეგობრობა ჩვენი სკოლისთვის უმნიშვნელოვანესი ღირებულება და სათნოებაა.

ხელობის მასწავლებელი: სოსო გუმბერიძე

ხატვის მასწავლებელი: კახა დემურაძე

მუსიკის მასწავლებელი: ნათია მიქიაშვილი

კლასის მზრუნველი: იანა კალანდაძე